کەسایەتییەکی نیشتمانپەروەر و خۆشناو بەناوی کاک ''حەسەن بازدار''خەڵکی گوندی ''قاڕنێ'' سەر بە شاری نەغەدە، ڕۆژی پێنجشەممە ڕێکەوتی ٧ی ڕێبەندان ماڵاوایی لە ژیان کرد.
کاک ''حەسەن'' کەسێکی نیشتمانپەروەر و حیزبی بوو و هەر لە سەرەتای شۆڕشی گەلانی ئێرانەوە وەکوو شورای حیزب لە گوندی قاڕنی هەڵبژێردراوە و بەردەوام پشتیوانی لە حیزبی دێموکرات کردووە و یارمەتیی پێشمەرگەی داوە.
ناوبراو کەسێکی زۆر تێکۆشەر و خۆشناو بووە و بەهۆی هەستی نەتەوەیی و پشتیوانی لە حیزبی دێموکرات دەسبەسەر کراوە و ئەشکەنجە دراوە.
هەروەها کاک حەسەن، کەسێکی کەیخودا و جێی متمانەی خەڵکی ناوچەی نەغەدە و دەورووبەری بووە.
تەرمی ناوبراو لەنێو ئاپۆڕای خەڵکی گوندی قاڕنێ و ناوچەکە بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
