ڕۆژی هەینی، ٤ی ڕێبەندان، باوک و کوڕێکی خەڵکی قوروە، بەهۆی گازگرتووییەوە گیانیان لەدەست دا.
دوو هاووڵاتیی ئەندامی بنەماڵەیەک لە قوروە، لە یەکێک لە گەڕەکە پراوێزخراوەکانی ئەو شارەدا، تووشی گازگرتوویی بوون و بەو هۆیەوە گیانیان لەدەست دا.
ئەم هاووڵاتییانە ماوەی چەند ڕۆژە تووشی گازگرتوویی بوونە و دوای بەدواداچوونی مامۆستایانی قوتابخانەی منداڵەکەوە، تەرمەکەیان دۆزراوەتەوە.
پیاوەکە تەمەنی ٥١ ساڵە و کوڕەکەشی تەمەنی ٨ ساڵە.
قوروە یەکێک لە شارەکانی پارێزگای سنەیە و بەپێی ئاماری ساڵی ٩٠، حەشیمەتی ئەم شارە ١٣٦ هەزار کەس بووە.
