لە ماوەی ڕۆژانی ڕابردوودا هێزەکانی ڕێژیمی ئێران لە گوندی ''باشڵاخ'' سەر بە شاری دیواندەرە هەڵیانکوتایە سەر ماشینی چەند کاسبکارێک و هەوڵیان دا کاڵاکانیان لێ زەوت بکەن کە لەگەڵ بەرنگاریی خەڵکی ئەو گوندە بەرەوڕوو بوونەوە.
خەڵکی گوندی باشڵاخ بەرامبەر هێزەکانی ڕێژیم وەستانەوە و بەشێک لە کاڵای ئەو کاسبکارانەیان لە چنگی هێزەکانی ڕێژیم دەرهێنا.
هێزەکانی ڕێژیم کە هەڵوێستی خەڵکیان بینی، فیلمیان لە بەهاناهاتن و پشتیوانیی خەڵک لە کاسبکاران هەڵ گرت و ڕادەستی دادگای دیواندەرەیان کرد.
دادگای دیواندەرە لەسەر سکاڵای پاسگای زەڕینەی هەوەتوو ڕۆژی یەکشەممە ٢٨ی خەرمانان چەند کەسێک لە خەڵکی گوندی باشڵاخی بانگهێشت کرد و دوای لێپێچینەوە ئازادیانی کرد.
