لەلایەن کۆمەڵێک لە منداڵانەوە دەوروبەری ژینگەی گۆلی زرێبار لە زبڵ و پاشماوە خاوێن کرایەوە.
ئەو کارە بەو مەبەسته ئەنجام دراوە کە منداڵان کە نەوەکانی دواڕۆژی کوردستانن فێری بەرپرسیاریەتی ببن و بەنیسبەت خاکی کوردستان خاوەن هەڵوێست بن.
ئەو چالاکییە بە هاوکاریی ئەنجومەنی سەوزی چیای مەریوانەوە ئەنجام دراوە.
پاراستنی ژینگەی کوردستان و بەڕێوەچوونی چالاکیی ژینگەیی وەکوو فەرهەنگێکی گشتیی خەڵکی کوردستان جێگەی خۆی گرتووە و خۆی لە شەپۆلی وازهێنان لە ڕاوکردن، شکاندنی قەفەس، ئازادکردنی کەو و باڵندە کێوییەکان و خاوێنکردنەوەی شوێنە گشتییەکاندا بینیوەتەوە.
