ئیدارەی "تەعاونی" شاری شنۆ بە جێگەی کوود، بەرد و سیمان بە وەرزێڕان دەفرۆشێت.
بەپێی گرتە ڤیدیۆکان و وتەی وەرزێڕانی شاری شنۆ، ئیدارەی "تەعاونی ڕوستایی" ئەو شارە لە بەرامبەر پارەیەکی زۆردا کوودیان داوە بە وەرزێڕان، بەڵام تەلیسی کوودەکانی پڕە لە بەرد و سیمان.
بە وتەی وەرزێڕان، ئەو کارەی بەرپرسانی ڕێژیم هەم پارەکانیانی بە فیڕۆ داوە و هەم ئەو بەرد و سیمانە بووەتە هۆی خراپبوون و لەکارکەوتنی ئامرازە کشتوکاڵییەکانیان.
لە ئێرانی ژێر دەسەڵاتی ڕێژیمی ئیسلامیی ئێران، هەموو ئیدارەکان نوقمی گەندەڵی بوون و کەلوپەل و پێداویستییەکانی خەڵک هەموویان ساختە دروست دەکرێن و لە هەمان کاتدا بە نرخێکی زیاتر بە خەڵک دەفرۆشرێت.
