"کازم سدیقی" پێشنوێژی هەینی و کاتیی تاران لە ئیدەعایەکدا وتوویەتی: "سەرەڕای بەرزبوونەوەی نرخی دۆلار و دابەزینی نرخی تمەن، بارودۆخی خەڵک بەنیسبەت سەرەتای ئینقلاب زۆر باشترە".
"سدیقی" لە درێژەدا باسی لەوە کردووە کە لەگەڵ هەر پشوویەک، خەڵک بۆ گەشتکردن بۆ باکووری ئێران ڕیز دەگرن و ئەوە پیشاندەری ئاستی خۆشبژێوی و خۆشگوزەرانی لە ئێرانە.
ئەوە لە حاڵێکدایە کە "محەممەد جەواد ساڵحیی ئیسفەهانی" ئابووریناس باسی لەوە کردووە، لە ماوەی ١١ ساڵی ڕابردوو تا ئێستا نرخی هەژاری لە گوندەکان دوو بەرابەر و لە شارەکان ٦٠ لەسەد گەشەی کردووە.
زیادبوونی هەژاری لە کوردستان و ئێران بووەتە هۆکارێک کە ٨ ملیۆن هاووڵاتی لە "چینی مامناوەند" بکەونە نێو "چینی هەژار"ەوە.
بەپیی دوایین ئامارەکان، هەڵاوسان گەیشتووەتە ٦٨ لەسەد و هێڵی هەژاریش گەیشتووەتە ٣٨ لەسەد.
