یەکیەتیی زانایانی ئایینی کوردستانی ئێران بەبۆنەی کۆچی دوایی شێخ "محەممەد عەبدولکەریم کەسنەزانی" کەسایەتیی دیاری ئایینیی کوردستان ڕاگەیەندراوێکی بڵاو کردەوە.
ڕاگەیەندراوەکە بەم چەشنەیە:
كُلُّ مَنْ عَلَيْهَا فَانٍ, وَيَبْقَى وَجْهُ رَبِّكَ ذُو الْجَلالِ وَالإِكْرَامِ
بەبۆنەی وەفاتی کەسایەتیی دیاری کوردستان و جیهانی، شێخی تەریقەتی قادری، جەنابی شیخ "محەممەد عەبدولکەریم کەسنەزانی"، لە ناخی دڵمانەوە پرسە و سەرەخۆشی ئاراستەی بنەماڵەی بەڕێزی، بەتایبەت شێخ "نەهرۆ" و سەرجەم باوەڕدارانی تەریقەتی قادریی بەڕێز دەکەین.
لە خودای میهرەبان داواکارین کە مەرحووم بە ڕەحمەتی خۆی بخات و پلەی بەرزی پێ ببەخشێت.
ڕۆڵی تەریقەتی قادری لە جیهانی ئیسلامیدا و لەنێو نەتەوەی کورددا ڕۆڵێکی بەرچاوە و هیچکەس ناتوانێت تانە لەم ڕاستییە بدات.
لە بزاڤی ڕزگاریخوازیی کوردا قادرییەکان مێژوویەکی پڕ لە شانازییان تۆمار کردووە.
هیوادارین شاگردانی قوتابخانەی شێخ "عەبدولقادری گەیلانی" لە جیهاندا بەردەوام بن لە خزمەتی ئیمان و عیرفان و سەروەری و ڕزگاریی گەلی کورددا.
إِنَّا وَإِنَّا إِلَيْهِ رَاجِعُونَ
یەکیەتیی زانایانی ئایینیی کوردستانی ئێران
١٩ی پوشپەڕی ١٣٩٩ی هەتاوی
