بەپێی ڕاپۆرتی ناوەندی ئاماری ڕێژیمی ئێران کە ڕێکەوتی ٨ی سەرماوەز بڵاوی کردووەتەوە، هەڵاوسان لە پارێزگای ئیلام ٨.٨ لەسەدە و پلەی یەکەمی هەڵاوسانی هەیە.
نرخی هەڵاوسانی بنەماڵەکانی شار لە پارێزگای ئیلام ٧.٨ لەسەد بەرز بووەتەوە.
هاوکات زیاترین نرخی هەڵاوسانی بنەماڵەکانی گوندنشین دیسانەوە هەر ئیلام تۆماری کردووە و ١٣.٧ لەسەدە. هەڵاوسانی خاڵ بە خاڵ بۆ بنەماڵەکانی شار ٤٥.٧ لەسەدە.
پارێزگای کرماشان به ٥٣.٩ لەسەد زیاترین ئاماری هەڵاوسانی هەیه.
ئەمە لە حاڵێکدایە کە پارێزگای کرماشان زۆرترین نرخی بێکاریی لە ئاستی ئێراندا هەیە و بنەماڵەکانی ئەو پارێزگایە لە کەمداهاتترین بنەماڵەکانی ئێرانن.
