كوردستان میدیا: ڕاده‌ست نه‌كردنه‌وه‌ی به‌ڵێننامه‌ ٣ هه‌زار میلیاردییه‌كان له‌مه‌ڕ جێبه‌جێكردنی مێترۆی تاران، كێشه‌و ئاڵۆزی نێوان شۆرای شار و شاره‌داری و به‌رپرسانی حكوومه‌تی له‌تاران لێكه‌وته‌وه‌.

به‌پێی ڕاپۆرته‌بڵاوكراوه‌كان له‌لایه‌ن هه‌واڵده‌رییه‌كانی ڕێژیمی ئێران، سه‌رۆكی كۆمیسیۆنی به‌رنامه‌و بودجه‌ی شۆرای ڕێژیم له‌شاری تاران ڕایگه‌یاندووه‌كه‌پێداچونه‌وه‌ی ماڵی به‌سه‌ر كۆمپانیا و ده‌زگاكانی سه‌ر به‌شاره‌داری تاران بووه‌ته‌باس و كێشه‌یه‌كی جیددی له‌نێوان ئه‌ندامانی ئه‌م شۆرایه‌و ئه‌م ئاڵۆزییانه‌ش هه‌روا به‌رده‌وامن.

سه‌رۆكی كۆمیسیۆنی به‌رنامه‌و بودجه‌ی شۆرای ئیسلامی شاری تاران وێڕای هێماكردن بۆ ئه‌و ڕاپۆرتانه‌ی كه‌پێویسته‌له‌لایه‌ن كۆمپانیاگه‌لێكی وه‌ك مێترۆ ڕاده‌ستی به‌شی پێداچونه‌وه‌ی دارایی بكرێت، ڕایگه‌یاند: ورده‌كارییه‌كانی به‌ڵێننامه‌ ٣ هه‌زار میلیاردییه‌كانی كۆمپانیای مێترۆی تاران له‌گه‌ڵ به‌ڵێنده‌ره‌كان، ڕاده‌ستی شۆرای شار نه‌كراوه‌.

به‌ڵێننامه‌به‌ناو ئاوه‌دانییه‌كان (عمرانی) له‌ئێران و به‌تایبه‌ت شاره‌گه‌وره‌كانی ئه‌م وڵاته‌هه‌موو كات له‌نێو ته‌مێك له‌ناڕوونی ماونه‌ته‌وه‌و هیچ لێپرسراوێكی حكوومه‌تی له‌مباره‌وه‌وه‌ڵامده‌ر نه‌بووه‌. له‌م نێوانه‌دا ڕێژه‌ی نرخی به‌ڵێننامه‌ زه‌به‌لاحه‌كان له‌لایه‌ن به‌رپرسان و لایه‌نه‌به‌ڵێنده‌ره‌كانی به‌ستراوه‌به‌سوپای پاسدارانی ڕێژیم هه‌ڵده‌لووشرێت.

هه‌نووكه‌به‌ڵێننامه‌ی ٣ هه‌زار میلیاردی شۆرای شاری تاران سه‌ره‌ڕای جێبه‌جێ نه‌بوونی پڕۆژه‌كه‌، ناڕوونی نرخی به‌ڵێننامه‌كه‌ی به‌دواوه‌بووه‌. ئه‌مه‌ش له‌حاڵێكدایه‌كه‌یه‌كێك له‌به‌ڵێن و پڕۆپاگه‌نده‌ته‌بلیغییه‌كانی حه‌سه‌ن ڕووحانی سه‌ركۆماری ڕێژیم بریتی بوو له‌نه‌هێشتنی گه‌نده‌ڵی دارایی.