ڕۆژی هەینی ٢٠ی جۆزەردان، شەش بێچووە ڕێوی دوای دوو مانگ تیمارکردن و ئامادەبوونیان بۆ ژیانی ئاسایی، لەلایەن ئەنجوومەنی "ژیانی سەوزی" سەقزەوە لە چیاکانی گوندی کەسنەزانی ئەو شارە ئازاد کران.
ئەو چالاکییە بە بەشداریی ئەنجوومەنەکانی "سەوزی چیا، پاژینی بانە، هیوای زانستی سەقز و نیشتمانی ساحێبی سەقز" و هەروەها گرووپەکانی شاخەوانیی "هەڵۆ، هەتاوی سەقز و ئافرۆدی شاری سەقز" و بە مێواندارێتیی ئەنجوومەنی ژینگەپارێژیی ژیانی سەوزی سەقز بەڕێوە چووە.
لەو چالاکییەدا یادی چوار ئەندامی گیانبەختکردووی گرووپی شاخەوانیی ئەنجوومەی سەوزی چیا بەرز ڕاگیرا و بەشداربووان لەسەر هاوئاهەنگیی خۆیان بۆ پاراستنی ژینگەی کوردستان ئامادەیی خۆیان دووپات کردەوە.
