ئەندامان و لایەنگرانی حیزبی دێموکرات لە مەهاباد بە مەبەستی هاوخەمی لەگەڵ حیزبی دێموکرات و بنەماڵەی شەهید "لوقمان مێهفەر" و هەروەها پەیمان نوێکردنەوە لەگەڵ ڕێبازی شەهیدان، چالاکیی تەبلیغییان بەڕێوە برد.
ئەندامان و لایەنگرانی حیزبی دێموکرات لە "قەڵاتی شا" سەر به شاری مەهاباد بۆ بەرزڕاگرتنی یادی شەهید "لوقمان مێهفەر" چالاکییان بەڕێوە برد و ڕایانگەیاند، هەتا دوایین هەناسەی ژیانمان درێژەدەری ڕێگا و ڕێبازی شەهیدە سەربەرزەکانمان دەمێنینەوە.
هەروەها جەختیان کردووەتەوە: "هاوکات ئێمە هەموو کات ئامادەین بۆ جێبەجێکردنی ئەو بڕیار و ڕاسپاردانەی کە لەلایەن حیزبە خۆشەویستەکەمان حیزبی دێموکراتی کوردستانی ئێرانەوە پێمان دەسپێردرێت".
