دەقی پەیامەکە بەم چەشنەیە:
هاونیشتمانیانی بەڕێزی کوردستان و خەڵکی تێکۆشەری پیرانشار، شاری فەرماندە "ئیبراهم شێخاڵی، هەمزە بێهنام و ڕەحیم مەحموودی"
ئێمە وەک ئەندامان و لایەنگرانی حیزبی دێموکراتی کوردستانی ئیران سپاس و پێزانینی خۆمان لە بابەت بایکۆت‌کردنی شانۆی هەڵبژاردنەکانی ڕێژیم، ئاراستەی خەڵکی پیرانشار و بەتایبەت خەڵکی ئاوایی شیناوێ دەکەین.
لە ڕۆژی هەینیدا خەڵکی بە شەڕەف و نیشتمانپەروەری شاری پیرانشار و بەتایبەت شیناوێ جارێکی دیکە بە ڕێژیمی داگیرکەریان نیشان دا ئەو شانۆیەی کە پلانی یەکجار زۆری بۆ داڕشتبوو بە تەواوی بایکۆت بکەن و خەڵکی شیناوێ یەکجار زۆر کەم هەتا ڕێژەی ٥٠٠ کەس لەو هەڵبژاردنانەدا بەشداریان کردووە کە زۆربەی ئەو کەسانەش کە بەشداریان کردووە خزم و کەسی ئەو شۆرایانە بوونە.
ئەو کارەی خەڵک هۆشدارییەکی زۆر قورس بوو بۆ چڵکاوخۆرانی ڕێژیمی ئێران.
ڕێژیمی دیکتاتۆری خامنەیی خوێنڕێژ و جاشە خۆفروشەکان باش بزانن کە هەتا گەیشتن بە ئامانجەکانمان دەست لە خەبات و تێکۆشان هەڵناگرین.
پیرۆزبایی ئەو سەرکەوتنە لە تەواوی خەڵکی ڕۆژهەڵات دەکەین.
ئەندامان و لایەنگرانی ڕێگای ڕزگاریخوازی و وەفادار بە شەهیدانی ڕێگای ئازادی لە پیرانشار
بژی کوردستان
