ئەندامانی تێکۆشەر و نهێنیی حیزبی دێموکراتی کوردستانی ئێران لە ورمێ، بەبۆنەی ٢٥ی گەلاوێژ، ٧٥ـەمین ساڵیادی دامەراندنی حیزبی دێموکرات، پەیامێکی پیرۆزباییان بڵاو کردەوە.
دەقی پەیامەکە بەم چەشنەیە:
ئێمه ئه‌ندام و لایەنگرانی حیزبی دێموکرات له ورمێ لە ناوچەی "بەراندێز"، ۲۵ی گەلاوێژ ٧٥ـەمین ساڵڕۆژی دامەزرانی حیزبی دێموکرات له هەموو خەڵکی کوردستان پیرۆزبایی دەکەین.
ئێمە ئەندامانی حیزبی دێموکرات ئەو ڕۆژە مێژووییە بەرز دەنرخێنین و پەیمان نوێ دەکەینەوە هەتا دوا ساتەکانی ژیان لە خزمەت خەبات و شۆڕشدا بین.
ئێمە دووپاتی دەکەینەوە کە بۆ جێبەجێکردنی هەر بڕیارێکی حیزبی ئامادەین و شان بە شانی پێشمەرگەکانی شاخ لە هیچ ئەرکێک درێغی ناکەین.
ئەندامانی حیزبی دێموکراتی کوردستانی ئێران
ناوچەی بەراندێز لە ورمێ
١٦ی گەلاوێژی ١٣٩٩ی هەتاوی
