دوای ئەویکە ٧ ئەندامی شورای سەقز کە تۆمەتی گەندەڵی ماڵی و ئێدارییان لەسەر بووه و بانگهێشتی لقی سێ دادسەرای کراون هەروەها بڵاو کرایەوە بە دانانی بارمتە ئازاد کراون؛ ئێستا باس لەوە دەکرێت ئەو حوکمە هەڵوەشاوەتەوە.
بەپێی زانیارییەکان ئەو حەوت ئەندامەی شورای شاری سەقز بۆ ماوەی ٢ مانگ لەسەر کارەکانیان هەڵپەسێردرابوون؛ بەڵام ئەو حوکمە ئێستا هەڵوەشاوەتەوە.
دەوترێت هەڵپەساردنی ئەو ٧ کەسە لە ڕاستایەدا بووە کە لێکۆڵینەوەی زیاتر لە سەر ئەو تۆمەتانەی کە وپاڵییان دراوە بکرێت.
دوای بڵاوبوونەوەی ئەو هەواڵە، زانیارییەکان باس لەوە دەکەن حوکمی هەڵپەساردنی ئەو ٧ ئەندامی شورا هەڵوەشاوەتەوە.
هاووڵاتییان لە سەقز باس لەوە دەکەن ئەو کەسانە بوودجەی ئاوەدانکردنەوەی ئەو شارەیان خواردووە و بۆیە دەسبەسەر کراون.
