ڕۆژی پێنجشەممە ڕێکەوتی ١٨ی ڕەشەمە کاک "ئەنوەر ئیختیاردینی" کوڕی "قادر و خەدیجە" لەدایکبووی ساڵی ١٣٤٣ی هەتاوی ئەندامی حیزبی دێموکرات و خەڵکی گوندی "ئاڕمەردە"ی شاری بانە لە شاری سلێمانی کۆچی دوایی کرد.
کاک "ئەنوەر" ساڵی ١٣٥٨ی هەتاوی پەیوەست بووە بە ڕیزەکانی حیزبی دێموکرات و هەتا ساڵی ١٣٦٣ی هەتاوی بەو پەڕی هەست و سۆزەوە ئەرک و ئەسپاردەکانی حیزبی بەجێ هێناوە.
ناوبرا پاشان لە هەرێمی کوردستان دانیشتووە و وەک ئەندامی حیزبی دێموکرات درێژەی بە کار و چالاکی داوە.
کاک "ئەنوەر" هەتا دوایین ساتەکانی ژیانی وەفادار بە ڕێبازی شەهیدان مایەوە. تەرمی ناوبراو لە شاری سلێمانی بە خاکی پیرۆزی کوردستان ئەسپێردرا.
حیزبی دێموکرات سەرەخۆشی لە بنەماڵە و خزم و کەسی ناوبراو دەکات و خۆی بە هاوبەشی خەمیان دەزانێت.
