ئەندامێکی حیزبی دێموکراتی کوردستانی ئێران لە کوردستانی باشوور ماڵاوایی لە ژیان کرد.
ڕێکەوتی ٣١ی جۆزەردان کاک "ڕۆستەم وەیسی" کوڕی " نوور محەممەد و مینا" ئەندامی حیزبی دێموکرات خەڵکی "بانەدار"، بەخشی "ئەزگلە" سەر بە "سەلاس" و نیشتەجێی کەمپی "باریکە" لە کوردستانی باشوور کۆچی دوایی کرد.
ناوبراو ساڵی ١٣٢١ی هەتاوی لە کرماشان لەدایک بووە. کاک "ڕۆستەم" ساڵی ١٣٦١ی هەتاوی پێوەندی بە حیزبی دێموکراتەوە دەگرێت.
بنەماڵەی کاک "ڕۆستەم" بنەماڵەیەکی شۆڕشگێڕن و وەک خۆی باسی لێوە کردووە لە ڕێگای بنەماڵەکەی حیزبی ناسیوە و دواتر پێوەندیی بە حیزبەوە گرتووە.
تەرمی ناوبراو لە کوردستانی باشوور بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
