ڕۆژی چوارشەممە ڕێکەوتی ٢٤ی خەرمانان خاتوو "فاتمە میرزایی" کچی "خەدیجە و ئیسماعیل" و ئەندامی حیزبی دێموکرات بەهۆی نەخۆشی کۆچی دوایی کرد.
خاتوو "فاتمە" ساڵی ١٣٥٦ی هەتاوی لە شاری "مەهاباد" لەدایک بووە و لە ماوەی ژیانی لە ڕۆژهەڵاتدا وەکوو کەسێک هەڵسووڕ لەگەڵ هاوسەرەکەی کە ئەندامی حیزبی دێموکرات بووە، هاوکاری کردووە.
خاتو "فاتمە" هاوژینی پێشەمەرگەی حیزبی دێموکرات بووە و لە ساڵی ١٣٩٥ی هەتاوی وەک ئەندامی کۆمیتەی "زاگرۆس" خەریک بە چالاکیی بووە.
ناوبراو هەتا دوا ساتەکانی ژیانی وەفادار بە ڕێبازی شەهیدان و ئامانجەکانی حیزبی دێموکرات مایەوە.
تەرمی خاتوو "فاتمە" لە گۆڕستانی شەهیدانی حیزبی دێموکراتدا ئەسپەردەی خاک کرا.
حیزبی دێموکرات کوردستانی ئیران سەرەخۆشی خۆی ئاراستەی بنەماڵە، خزم و دۆستانی کۆچکردوو دەکات و خۆی بە شەریکی خەمیان دەزانێت.
