Navenda Hevkarî ya Partiyên Kurdistana Îranê bi weşana banghêjnameyekê li tev xelkê Rojhilatê Kurdistanê daxwaz kirin ku li derheq siyaseta rejîma Îranê li hember keç, jin û xortên Kurd nerizayetiyê nîşan bidin û man bigirin.

Deqa banghêjnameyê wiha ye:

Banghêjiya mangirtinê li tev bajar û bajarokên Kurdistanê

Xelkê xweragir ên Kurdistanê

Hizb û aliyên siyasî yên Îran û Kurdistanê

Rêkxistinên civata medenî

Wek agehdar in Jîna (Mehsa) Emînî, keça ciwan a Kurd ku çend roj berî niha li bajarê Tehranê bi tundî ji aliyê hêzên serkutker ên Komara Îslamî ve rastî lêdanê hatibû, roja Înê 25ê Xermananê bi sedema dijwarbûna birînên xwe canê xwe ji dest da. Berê jî Şilêr Resûlî li bajarê Merîwanê ji bo parastina xwe li hember destdirêjiya bikirêgirtiyekî rejîmê rastî bûyerekî hatribû û canê xwe ji dets dabû.

Bi vê sedemê em li tev tax û qatên xelkê Kurdistanê daxwaz dikin bo nîşandana nerizayetiyê li dijî siyasetên nemirovane yên rejîmê û bo berevanî li kirameta keç, jin û xortên gelê Kurd, roja Duşemî 28`ê Xermananê bi daxistina dukan û bazar û neçûn bo ser karên xwe, mangirtineke gist, û mezin rabigehînin.

Em daxwazê li tev hizb û aliyên siyasî, rêkxistinên civatgeha medenî, çalakvanên mafê mirovî dikin ku pêşwaziyê ji vê banghêjiyê bikin da ku bi hevdengî û piştevaniya yektir bersivek tund bidine Komara Îslamî.

Bijî yekrêzî û yekgirtina xelkê mafxwaz ên Kurdistanê

Biherife Komara dije jin a Îslamiya Îranê

Navenda Hevkarî ya Partiyên Kurdistana Îranê

25ê Xermanana 1401an a Rojî

16ê Îlona 2022an