Roja Sêşemî 12`ê Rezberê li piraniya bajarên Îranê yên weke Kerec, Zencan, Tehran, Seziq, Urmiye Mehabad û …. hwd, dersxwan û xwandekar rijyane ser şeqaman û li dijî serkutkarî û qetlên hikûmetî yên rejîma Îslamî xwenîşandanên berfireh lidar xistin.
Di wan xwenîşandan de dersxwan û xwandekaran siloganên weke, “elîtên me kuştin û axûnd bichê danîn” dan û xavikên xwe jî havêtin.
Di 18emîn roja xwenîşandanên seranserî de xwandekarên zanîngeha El _ Zehra ya Tehranê rijiyane ser şeqaman û li dijî serkutkarî û dirindehiyên hêzên serkutkar yên rejîma Îranê û hêzên besîc û Spaha Pasdarana terorîst silogan dan.
Tevî qutkirina hêla înternetê ji aliyê karbidestên rejîma Îslamî a Îranê ve, duh dersxwan û xwandekar û bazariyên piraniya bajarên Îranê rijiyane ser şeqmanan û bêzariya xwe li rejîmê nîşan dan.
