Şeva derbasbûyî piştî dorandina tîma topa pê ya rejîma Îranê li hember tîma topa pê ya Amerîkayê di kapa cîhanî ya li welatê “Qeter”ê, ku bû bi sedema derkirina yekcarî a tîma rejîma Îranê di kapa cîhanî de, keyfxweşiya xelkê Rojhilatê Kurdistan û Îranê lipey xwe anî.

Piştî dorandina tîma Îranê, li tev bajaran xelk hatine ser şeqaman û bi belavkirina şîrîniyan, lidarxistina govend û dîlanê, dana siloganan û … hwd, keyfxweşiya xwe nîşandan.

Li piraniya wan bajaran de, hêzên rejîmê li hember xelkê derketin û bi teqe kirin û reşandina gaza rohndkrêj, êrîşkirine ser welatiyan.

Hatiye ragihandin ku, di encama êrîşên hêzên hov yên rejîmê de, çend kes hatine birîndarkirin û li bajarê “Enzelî” yê ser bi parêzgeha “Gîlan” ê xortek temen 27 salî yê bi navê “Mêhran Simak” bi teqeya rasterast hatiye kuştin.