Roja Sêşemî 17`ê Xezelwerê serkomarê Amerîkayê “Jeo Biden” di nameyekê de bo rayedarên Micilsa Nûneran û Sineya Amerîkayê, rewşa awarte ya bo Îranê demdirêj kir.
Herwisa “Jeo Biden” ragihandin, pêwendiyên di navbera Îran û Amerîkayê hîn jî, normal ninin û biryara birêvebirina piroseya lihevkirinan digel Tehranê li rêkevta 29`ê Befranbara 1359`an (19`ê Rêbendana 1981`an) hatiye dan û ji ber vê yekê jî biryarên hatinî standin divê yên di vê rêkevtê de bona berxwedanîkirin li hember vê rewşa awarte de, piştî rêkevta 14`ê Sermaweza 2022`an berdewam bin.
Ew fermana Amerîkayê, 43`ê salan berî niha di rojên wiha de ji aliyê hemû rayedarên Amerîkayê ve hat pejrandin û demdirêj kirin.
Pêka vê biryarê dewleta Amerîkayê, bona li hember derkevtina gefên neasayî û metirsîdar yên rejîma Îranê, dikare hin karan encam bide û her di vê pêwendiyê de serkomarê Amerîkayê dikare jî dest bi ser milk û darayên Îranê de bigire.
