Nûçegihaniya “Hêrana”yê di nûtirîn rapora xwe de belav kiriye ku gefa îdamkirinê li ser 58 kes ji binçavkiriyên serhildana gelên Îranê heye.

Nûçegihaniya “Hêrana”yê roja Çarşemî 30ê Sermaweza 1401an a Rojî, di nûtirîn rapora xwe de li derheq rewşa binçavkiriyên serhildana gelên Îranê nivîsiye: “Di niha de 58 hevwelatiyên Îranê ku di heyama serhildanê de ji aliyê hêzên çekdar ên rejîmê ve hatibûne binçavkirin, ji aliyê binav Dezgeha Dad a rejîmê ve tohmetên narewa bi ser wan de hatine sepandin û gefa îdamkirinê li ser wan heye”.

Herwisa wê nûçegihaniyê di vê derheqê de ragihandiye ku ji vê amarê, 2 zarok û 2 jî jin tê de ne ku ji aliyê hêzên rejîmê ve hatine binçavkirin û gefa îdamkirinê li ser wan e û rejîma Îranê di dadgeheke nedadperwerane de, ew bi tohmeta “muharibe û mofsêd fî erz” dadgehî kirine û cezaya îdamkirinê bi ser wan de sepandiye.