Tevî hebûna rewşa tund a ewlehî li piraniya bajarên Rojhilatê Kurdistanê yên wek Sine, Mihabad, Bokan û herwisa çend bajarên Îranê, xelkê serhildêr şeqam daxistin û li dijî rejîma Îranê silogan dan.

Li bajarê Bokanê yê Rojhilatê Kurdistanê, serhildêrên azadîxwaz di çileya şehîdên doza azadiyê û bo tolhildana xwîna wan serhildêran rijiyane ser şeqaman û xwenîşandan kirin û silogana bimre dîktator dan.

Herwisa di xwendingeheke keçan a vî bajarî de keçên azadixwaz li çileya şehîdên wî bajarî, li xwendingehê silogana “Bokanê şehîd dane û ji mirinê natirse, jin, jiyan, azadî, azadî bo Kurdistan” dan.

Di taxa Xefûr a bajarê Sineyê de, ciwanên azadîxwaz bi şewitandina tekeran şeqam daxistin.

Ciwanên bajarê Mihabadê jî, bi şewitandina tekeran li ser şeqam, silogana “jin, jiyan, azadî” dan.

Herwisa li bajrê çendîn taxên Tehranê, xelkê silogana bimre Xamineyî dan.

Di bajarê Bender Enzeliyê yê girêdayî parêzgeha “Gîlan”ê,  xelkê serhildêr binkeya besîcên rejîmê şewitandin.

Di bajarê “Amol” yê girêdayî parêzgeha Mazenderanê de serhildêran bo nîşandana nerizayetiya xwe li şeqaman agir hilkirin.