Kombûna rêzgirtin li şehîdên vê dawiyê yên serhildana gelên Îranê, ji aliyê Navenda Hevkarî ya Partiyên Kurdistana Îranê li welatê Danîmarkê birê ve çû.

Roja Şemî rêkevta 12`ê Sermaweza 2022`an(3`ê Kanûna Pêşîna 2022`anÇ), ji aliyê Navenda Hevkarî ya Partiyên Rojhilatê Kurdistanê kombûnek bo rêzgirtin ji cangoriyên şoreşa “Jîna”yê li bajarê “Albertslund” a welatê Danîmarkê li nêzî Copenhagen paytext birê ve çû.

Herwisa li destpêka kombûnê de, “Şanaz Kakeazer û Mûnîre Secadiyan” weke pêşkêşkarên vê kombûnê mebesta pêkanîna wan kombûnan bo beşdarbûyan bas kirin.

Kombûn bi xwandina sirûda neteweyî ya “Ey Reqîb” û ragirtina bîstek bêdengî bo rêzgirtin ji riha pak ya şehîdên Hizb û gel destpê kir.

Piştire, peyama Navenda Hevkarî ya Partiyên Rojhilatê Kurdistanê, ji aliyê “Nîgar Mîrxanî” ve hat xwandin.

Herwisa di beşek din a vê bernameyê de ku, ji aliyê girûpa birêveberiya wê kombûnê hatibû amadekirin bi mezinahiya şehîdan serê xwe tewandin.

Piştire mamoste “Amanc”  ji beşdarbûyên vê kombûnê , mozîkek li ser navê “Hawara Şehîdan” pêkêşî amadebûyan kir.

Di berdewamiyê de, helbestek ji aliyê “Vehîd Nadirî” û pexişanek ji aliyê “Kejwan Yûsifî” ku her du jî “Ehmed Rehmanî” vehonandibûn pêşkêş kir.

Herwisa helbestek bi zimanê Danimarkî ji aliyê “Mehmûd Erdem” û pexişana bi navê “Bo bavê min yê şehîd”bi zimanê Danimarkî ji aliyê “Xalid Paryad” ve hat pêşkêşkirin.

 Kombûn bi xwandina sirûda “Ey şehîdan” dawî pê hat.