Roja Pêncşemî 17ê Sermawezê, Şadiman Ehmedî yê xelkê bajarê Dêwolanê di bin îşkenceya hêzên ewlehî yên rejîmê de canê xwe ji dest da

Ajansa Nûçegihaniya Kurdpayê belav kiriye ku, hêzên ewlehî bi bê hebûna ti belgeyek yasayî êrîşê ser mala Şadiman Ehmedî kirine û navbirî bi tohmeta beşdarêkirin di xwenîşandanan de binçav kirine.

“Kurdpa”yê di berdewamiyê de daye zanîn, ew welatiyê Kurd piştî binçavkirinê bi kelanteriya Dêwolanê ya meydana Saetê re hatiye veguhastin û piştî çend demjimêr girtin, malbata navbirî agehdar bûne ku kurê wan di bin îşkenceyê de canê xwe ji dest daye.

Hêzên rejîmê malbata Şadiman Ehmedî xistine bin givaşan da ku termê navbir di şevê de û bi bê amadebûna xelkê bi axê bispêrin.