Heft serhildêrên Kurd yên xelkê Pîranşarê, taya 102 a Dadgeha Keyferiya du ya rejîmê li Pîranşarê, 64 sal girtîgeh bi ser wan 7 serhildêran de sepandiye.

Ajansa Nûçegihaniya Kurdpayê, nasnameya wan girtiyan wiha daye zanîn: Îsmaîl Tecela yê 22 salî û kurê Mihemed, Elî Bexşewî yê 38 salî û kurê Resûl, Hîwa Mehûdî yê 32 salî û kurdê Ebdullah, Aram Xalidîneseb yê 23 salî û kurê Celal, Elîrizamihemedî Erşed yê 22 salî û kurdê Îbrahîm, Îhsan Gulabî yê 20 salî û kurê Xalid û herwisa Mihemed naskirî bi Diyako Îbrahîmî yê 29 salî û kurê Ezîz yên xelkê gundê “Peswê” yê ser bi Pîranşarê.”

Kurdpayê tohmetên ku bi ser wan de hatine sepandin wiha eşkere kiriye: “Endamê yek ji Hizbên Kurdî yên opozîsiyona hikûmeta Îranê, kombûn û nearamî li dijî ewlehiya netewî ya welat, piropagende li dijî nizamê li gor berjwendiya girûpên dijberê hikûmeta Îranê û fîlmhilgirtina binkeyên dewletî.”

Ew heft xwenîşanderane rêkevta 5ê Rezbera 1401an a Rojî, di nav xwenîşandana xelkê Pîranşehrê de ji aliyê hêzên ewlehî ve hatine biçavkirin.

Ew heft kesane piştî lêkolînê bo girtîgeha Nexedê hatibûne veguhastun û rêkevta 8ê Xezelwerê bi danîna barimteyê bi şêweyekî demkî hatibûne berdan.