Rejîma Îranê ku bi awayê kom hejmarek ciwanên parêzgeha Urmiyê girtibûn, tohmetên sîxurî bi ser wan de disepîne.

Nûçegihaniya “Îrna” ya ser bi rejîma Îranê ku roja 26ê Xezelwera 1401an a Rojî, îdia kiribû ku 25 kes ji ciwanên taxên Urmiyê hatine girtin û hejmarek ji wan bi temen in û 8 jin jî di nav wan de hene û wan digel saziyên sîxurî, kar dikirin”, lê piştî du mehan “Komîteya Lipeykevtin ji Rewşa Girtiya” ev îdiaya rejîmê bi direw derxist.

Piştî derbasbûna du meh û nîv ji belavkirina wê nûçeyê, “Komîteya Lipeykevtin ji Rewşa Girtiya” roja Yekşemî 2ê Rêbendanê, bi weşana raporekê berevajî ji îdiayên medya û navendên rejîma Îranê daye zanîn: “Hejmarek zêde ji binçavkiriyan di dosiyeya “Ciwanên taxên Urmiyê” de, zarok û temenê wan kêm bûye û di nav wan de heta keçek 15 salî jî heye”.

Pêka vê raporê, di niha de 16 kes pêwendîdar bi wê dosiyayê di bin lipeykevtina dadgehên rejîmê de ne û berevajiya îdiayên rejîmê, ti yek ji wan hevdu nas nakin û tenê di bin givaşa hêzên rejîmê de yên wek destdirêjî li ser wan, îşkence û îtirafên bi zorê, neçar bi îtirafê li dijî hevdu bûne”.