Organa komek ji çalakvanên mafê mirovî ya bi navê Hêranayê daye zanîn, ji 26`ê Xermananê heta 12`ê Befranbarê, 516 xwenîşander di xwenîşandanên seranserî yên li Rojhilatê Kurdistan û Îranê hatine şehîdkirin ku, 70 ji wan temenê wan di bin 18 saliyê de ye.

Pêka amara “Hêrana”yê, di serhildana seranserî de, heta niha 19,204 xwenîşander ji aliyê hêzên serkutkar yên rejîma Îranê ve hatine hinçavkirin û tenê nasnameya 4,566 kesan eşkere bûye.

Herwisa “Hêrana”yê ragihandiye, heta niha 670 xwandekar di meşa xwenîşandanên seranserî yên Kurdistan û Îranê de hatine binçavkirin û li 161 bajaran de kombûnên nerizayetî hatine lidarxistin û herwisa li 144 zanîngehan de jî kombûnên nerizayetî yên xwandekaran hatine lidarxistin.