Roja Yekşemî 9ê Rêbendana 1401an a Rojî, Sirwe Pûrmihemedî, Endama Encumena Çandî û Civakî ya Nojînê, ji aliyê hêzên ewlehî yên rejîma Îranê ve hate girtin û bo cihek nediyar hate veguhestin.

Ajansa Nûçegihaniya Kurdpayê daye zanîn, ew welatiya Kurd li dema lipeykevtina rewşa endamên Encumena Çandî û Civakî ya Nojînê yên girtî li dadgeha Şoreşê ya Sinê, ji aliyê hêzên ewlehî yên rejîmê ve hatiye girtin.

Roja Çarşemî 28ê Befranbara 1401an a Rojî, Endamên Desteya Birêveberiya Encumena Çandî û Civakî ya Nojînê, Soma Pûrmihemedî û Seywan Îbrahîmî ji aliyê hêzên serkutkar ve hatibûne girtin.

Herwiha roja Yekşemî 27 Sermawezê jî, çalakvanê medenî û endamê Desteya Birêveberiya Encumena Çandî û Civakî ya Nojînê, “Îdrîs Minbarî” ji aliyê hêzên ewlehî ve hatibû girtin.