Mamosteyê olî yê bi navê “Mihemed Xizirnijad” û xelkê bajarê Bokanê, ku 52 roj e di girtîgeha rejîma Îranê de ye û ji çarenivîsiya wî ti zanyariyek ber dest nîne.

Li gorî Ajansa Nûçegihaniya “Kurdpa”yê, di heyama 50 rojên borî de malbata vî mamosteyê olî ji bo agahdarbûn ji çarenivîsa navbirî serdana saziyên ewlehî û dadweriyê yên rejîma Îranê kirine, lê ti bersivek ji wan re nehatiye dan.

Kurdpayê daye zanîn ku, malbata mamosta Mihemed Xizirnijad piştî ku çend caran ji bo zanîna çarenivîsa wî ev yeka şopandine,  ji aliyê hêzên ewlehî yên rejîmê ve rastî bêrêziyê hatiye.

Mamosta Mihemed Xizirnijad ,roja Şemî 28ê Xezelwerê, li bajarê Bokanê digel kurê xwe yê bi navê Yasir ji aliyê hêzên ewlehî ve hatibûne girtin.

Ev mamosteyê Kurd piştî vê ku li merasîma biaxspartina Esed Rehîmî yek ji qurbaniyên xwenîşandanên Bokanê de axavtibû, hatibû girtin.