Şeva derbasbûyî 19ê Reşemeyê, têkoşerên demokrat di çalakiyek berfireh a banghêjî de, sedan alayên Kurdistanê li bajarê Seqizê belav kirin û ev bajare bi alaya Kurdistanê xemilandin.

Têkoşerên demokrat di dema encamdana vê çalakiyê de hatine agehdarkirin ku “Nesrîn Qasimlo”, hevjîna şehîd Dr. Qasimlo koça dawî kiriye, lewma tevî nîşandana sersaxiyê li Hizba Demokrat û hemû Kurdistanê, ev çalakiyane pêşkêş bi riha nemir a “Nesrîn Qasimlo”yê kirin.

Di vê çalakiyê de ku dehan kes beşdar bûn, piraniya kolan û şeqamên nav bajar bi alaya Kurdistanê hatine xemilandin.

Beşek ji wan cihên ku çalakî tê de hatine kirin, pêk hatibûn ji: “Tevahiya nav bazarê, parka bajar, parka Kewser, parka Gulan, tax û şeqamên Şafiî, Rûdekî, Hafiz, dibistan û mizgevta Seqiz”ê.