Rêzdar “Mustafa Ozçelîk”, Serokê Giştî yê Partiya Azadiya Kurdistan-Bakur (PAK), di peyamekê de hevxemiya xwe ji bo koça dawî ya rêzdar “Hêlên Qasimlo”, naskirî bi Nesrîn Qasimlo, hevjîna şehîd Dr. Qasimlo nîşan da û ragihand: Koça dawî ya Hêlên Qasimloyê em xembar kirin.

Deqa peyamê wiha ye:

Em bi wefata xanim Hêlên Qasimlo ya hevjîna Dr. Ebdurehman Qasimlo xemgîn in

Xanima Hêlên Qasimlo (Nesrîn Xan) ya hevjîna rêberê Kurd, şehîd  Dr. Ebdurehman Qasimlo di temenê 89 saliyê de, li bajarê Parîsa Feransayê koça dawî kiriye.

Em bi wefata Nesrîn xanê xemgîn in.

Ruhê wê şad, cîhê wê Biheşt be. Sersaxiyê ji malbat û hezkiriyên Nesrîn xanê, ji rêveber û endamên PDK-Îranê re dixwazim.

Bila serê gelê Kurd sax be.

Mustafa Ozçelîk

Serokê Giştî yê PAKê