Serokê Giştî yê Partiya Azadî ya Kurdistan-Bakur (PAK) “Mustafa Ozçelîk” bi hilkefta salvegera şehîdkirina Qazî Mihemed û hevalên wî, peyamek belav kir.

Deqa peyamê wiha ye:

Em Pêşewa Qazî Mihemed û hevalên wî bi giramî bi bîr tînin

Serkomarê Kurdistanê Pêşewa Qazî Mihemed û hevalên wî li roja 31 Adara 1947an li bajarê Mihabada Rojhilatê Kurdistanê, li meydana Çarçirayê, ji aliyê dewleta Îranê ve hatine darvekirin.

Jiyan, helwêst, şexsiyet, wasiyet û parastinnameya li mehkemê ya Pêşewa Qazî Mihemed di eslê xwe de rêbaz û hişmendiya Kurdistanî pêşkêşê me dike.

Wesiyet, parastinname û helwîsta “Pêşewa Qazî Mihemed” ji bo îro jî wazîfeyên me yên netewî û dîrokî nîşanî me didin, di têkoşîna azadiya Kurdistanê de rêya me rohnî dike.

Gelê Kurdistanê dê Pêşewa Qazî Mihemed û şehîdên Kurdistanê ji bîr nekin.

Em di 76emîn salvegera darvekirina wan de “Pêşewa Qazî Mihemed” û hevalên wî û hemû şehîdên Kurdistanê bi giramî bi bîr tînin.