Polîsên Komara Azerbaycanê dibêjin, ku wan di operasiyoneke taybet de, 16 sîxûrên ser bi rejîma Îranê di vî welatî de binçav kirine.

Nûçegihaniya “Apa” ya ser bi welatê Azerbaycanê nivîsiye: “Polîsên Azerbaycanê 16 kes ji endamên navenda Oîl- Siyasî yên ser bi rejîma Îranê girtine ku armanca wan kesan ev bû, ku wan ji bengiyan û kesên xirefatî ji bo armancên xwe mifah wergirtine”.

Li gor nûçeya APAyê, “ev kesane li Azerbeycanê di geşedana tundajoyiya olî û çalakiyên din ên wêranker de dest hebûne û bi firotina madên hişber, madiyata girûpan dabîn kirine”.

Midehek berî niha jî, hevdem digel zêdebûna aloziyên di navbera Tehran û Bakuyê de, welatê Komara Azerbaycanê di berdewamiya girtina torên sîxûrî yên Îranê li vî welatî de, 39 kesên dinê binçav kiribû.