Endam û alîgêrên Hizba Demokrat li bajaroka Dizê ya ser bi devera Mirgewera bajarê Urmiyê li şeva 25ê Gelawêjê, bi awayên cuda çalakiyên berfireh ên banghêjî lidar xistin û 78emîn salvegera avakirina Hizba Demokrat pîroz kirin û digel rêbaza şehîdan peyman nû kirin.

Şeva 25ê Gelawêjê, endam û alîgirên têkoşer ên Hizba Demokrat li bajaroka Dizê ya ser bi devera Mirgewera Urmiyê, bi awayekî berfireh bi belavkirina trakt, wêneyên taybet bi 25ê Gelawêjê, alaya Kurdistanê, axabanî û teqandina fişfişeyan li vê bajarokê, 78emîn salvegera avakirina Hizba Demokrat pîroz kirin.

Endamên hizbê bi avêtina fişfişeyan, esmanê bajaroka Dizê ronahî kirin û ev yeka bû cihê kêfxweşiya xelkê.