Welatiyê xelkê bajarê Pîranşehrê yê bi navê “Selah Bayizîdî”, piştî derbasbûna zêdetir ji 10 roj ji girtina wî, hê jî çarenivîsa wî nerohn e.
Roja Şemî 4ê Xermanana 1402 a Rojî, Encumena Girtiyên Siyasî yên Rojhilatê Kurdistanê (Xweragirî), ragihand: Selah Bayizîdî, xelkê gundê Kanîbaxî yê ser bi Lacana Pîranşehrê, heyama 11 roj e ji aliyê hêzên serkutkar ên Îtilaata rejîma Îranê ve hatiye girtin û heta niha jî çarenivîsa wî rohn nîne.
Navbirî di wê heyamê de ji mafê destpêkî yên wek çavpêkevtin û pêwendîgirtin digel malbata xwe û detspêregihîştin bi parêzer hatiye bêparkirin.
Hêzên Îtilaata rejîmê, 11 roj berî niha direngahiyên şevê rijiyane ser mala Selah Bayizîdî û tevî şikandina deriyê mala navbirî, çûne nava mala wî û bi şêweyekî dirindane navbirî girtine û bo cihek nexuya revandine.
Heta dema belavbûna vê nûçeyê, ji sedema girtin û tohmetên li dijî wî hatinî sepandin ti zaniyariyek ber dest nîne.