Çavdêriya Mafî Mirovî li Sûriyê bi belavkirina raporekê daye zanîn ku di meha Tebaxa 2023an de 11 çekdarên ser bi rejîma Îranê li Sûriyê hatine kuştin.

Pêka vê raporê, 4 milîsên ser bi rejîma Îranê li êrîşên esmanî yên Îsraîlê, 3 milîsên din bi sedema teqîna mîn û 2 milsên din jî bi gulleyên kesên nenaskirî hatin ekuştin û herwisa 2 kes ji endamên Hizbullaha Lunbanê jî hatine kuştin.

Çavdêriya Mafê Mirovî li Sûriyê daxwazê ji hemû aliyên navnetewî yên xwedîrol dike ku bo derxistina rejîma Îranê û hêzên girêdayî vê rejîmê li Sûriyê hemû hewlên xwe tundtir û micidtir bikin û tevahiya kesên ku di kuştin û avarebûna xelkê Sûriyê de rol hebûne, bi destê dadê bêne spartin.

Herwisa Çavdêriya Mafê Mirovî li Sûriyê di raporê de tekezî li ser girîngiya derxistina hêz û milîsên ser bi rejîma Îranê kiriye ku ew yeka divê bi bê metirsî li ser ewlehî û canê kesên medenî an xisarpêketin bi darayî û damezraveyên giştî yên Sûriyê bê kirin.

Hêzên ser bi rejîma Îranê li Sûriyê hertimî ji aliyê welatê Îsraîlê ve têne armanckirin û welatê Îsraîlê hebûna wan metirsiyek mezin bo ser ewlehiya welatê xwe dizane.