Li berdewamiya menca bidarvekirinan li Îranê, vê carê rêjîmê 4 welatiyên Kurd li girtîgeha rêjîmê li bajarê Urmiyê de bida vekirin, bi vê pêkê, li wan 20 rojan rêjîmê 83 kes bidar vekirine

Pêka raporên belavbûyî, rêjîma Hov û dije mirov a Îranê li berdewamiya kuştina xelkê Îranê, roja Pêncşemî 20ê Banemerê, li girtîgeha rêjîmê li bajarê Urmiyê de 4 welatî yên bi navên “Hesen Erebî, Ewdila Hesenzade, Hesen Çûpanî û Tahir ku nasnavê wî nehatiye zanîn” li sibêdeha roja Pêncşemî 20ê Banemerê, bidar vekirin.

Pêka zanyariyên belavbûyî, “Hesen Erebî, Ewdila Hesenzade û Hesen Çûpanî” pêştir bi tohmetên pêwendîdar bi madên hişber, ji aliyê dadgeha rêjîmê ve cezayê bidarvekirinê bi ser wan de hatibû sepandin û li roja Sêşemiyê ve heta dema bidarvekirinê,li odeya takekesî de ragirtibûn.

Pêka rapora belavbûyî, “Hesen Erebî” kurê “Babizîn” yê xelkê gundê “Enbî”yê ser bi bajarê Urmiyê, bavê 2 zarojkan bûye û “Hesen Çûpanî” xelkê “ gundê “Şehirsitên”ê ser bi bajarê Pîranşarê û Tahir ku nasnavê wî nehatiye zanîn xelkê bajarê Urmiyê û “Ewdila Hesenzade” xelkê gundê“Yêngîce”yê ser bi bajarê Urmiyê ye.