Rêzdar “Mistefa Hicrî” Berpirsê Navenda Birêveberiya Giştî ya Hizba Dêmokrat a Kurdistana Îranê bi hilkefta 12ê Cozerdanê, “Roja Girtiyên Siyasiyên Kurdistanê” peyamek belav kir
Deqa peyamê wiha ye:
Li bîranîna 59 ciwanên bidarvekirî yên Mihabadê li heyva Cozerdana 1362 a Rojî û binavkirina roja qewimîna vê tawana bi sam a komara Îslamiya Îranê bi “Roja Girtiyên Siyasiyên Kurdistanê”, tevî bilindragirtina yada wan şehîdan, silava emegnasiyê bo îradeya qahîm û xweragiriya girtiyên siyasî li Rojhilatê Kurdistanê dişînin.
Bê guman, girtiyên siyasiyên Kurdistanê ji aliyek hêmaya zindîbûn û berdewamiya xebat û têkoşîna netewa me ye, ji aliyê din ve, selimanderê îradeya berdewam a takên şoreşgêr û xwedî bawerên Kurdistanê ye ku zîndan û îşkence û tawanên dujmin, nekariye berxwedana wan bişkêne û wan serê xwe li pêxema azadiya niştîman û armancên pîroz ên tevgera Kurdistanê bilind ragirtine.
Cangorîkirin û xweragiriya we cihê şanaziyê ye!
Mistefa Hicrî
Berpirsê Navenda Birêveberiya Giştî ya Hizba Dêmokrat a Kurdistana Îranê
11ê Cozerdana 1403 a Rojî
