Eskender Ceiferî
Ji her salê zêdetir !
Qasimlû !
Çi qamçûr û çi nakam e dilê dujmin
Min qêrîna dayîkên şehîdan
Bi newaya dengê çekan
Di haşehaşa ava çem û kaniyên Zagrosê de vejand
Ji her salê zêdetir nêzîk im ji te
Qeliştîme, dirandîme dilê dujmin
Çi firfat e şelixtî ye dilê dujmin
Dayîka min digo lawo
Ecel xwazim miraza dil welatê min bike serbest
Egîd im ez qebala cendêkê min jî bi pêşkeş e
Piyar û vîn ji nirxên tev serokên xwe bi mîrat im
Eger xwazin bi aşîtî
Eger na jî
Bi zordestî dibim serbest
Zemîna dil parzemîna welatê min
Ji Îlamê heya Makû
Melik mot im ji bo dujmin
Çi volkanek bi vîn im ez
Dêmokrat im dêmokrat im
Şehîd Qadir Kerîmî me
Bilûra dil bi tenbûra çekê xwe me
Çi bê bak im serbixwe me
Çi sêwak im serbixwe me
Axîna dayîkên şehîdan im
Qasimlû me li Zagrosê
Taxim taxim evîna te
Dêmokrat im
----------
Bi 79 keibeyên ola şehîdan / Bi 79 rondikên daykên egîdan
Zimanê dujminê reşdil ji ber min / Bi dojeh bû bi 79 sal û heyvan
Biklukul dil tu rabûyî nerûnê / Bi 79 axînên bûkên li malan
Li benda hatina termên şehîdan / Bi her salek ji wan 79 ji salan
Çi qamûsan çi peyvek nîn e bo te / Şehîdên gel bi 79 sûnd û Quran
Dimînin tim li nav cergê me Kurdan / Li nava me bi 79 ol û dînan
-----------
Bi Rasana dilê gel, te agir tîn û gurr kir /
Bi biryara biharan, şehîdan te xelat kir /
Tu pêşmergê welat î, li her çar werz û salan /
Li Pûşperan xemîn im, ji ber xwîna egîdan /
Sermaweza dilê kul, ji dil dikim te pîroz /
Evîna te Dêmokrat, rengê şîrê dayîkan /
Fîraqê dil bi êş im, tewafa vî welatî /
Ji xew rabe welato, vaye Pêşmerge hatin /
Ne mêrkuj im ne jî şer, peyama min biratî/
--------
Tu peşmerg î evîn dayî bi Qazî
Dizanim ku tu narazî tu baz î
Tu saqî bî qedeh rakî çeka xwe
Ji dê û bav welatê xwe bi naz î
Nerazê dil nerazê can tu rabe
Hemû hêvî ji dujmin tu di Zab e
Bike qebqeb kevoka mendehoşê
Ku naxwînî welatê te xerab e
--------
Ji 79 doz û dijber her tu komar î dilan de
Gelek wêstgeh li paş 79 te bûrandin xezalê
Xezalokek li deşta şîn û giryana Mehabad
Ji Madkêw û li Urmiyê tu mad î ey Ehora
Tu komara bi kovana welat î tu leheng î
Vejîn bû yî ku xistî nav dilê dujmin nevîtî
Eger şa yan ku komarek ji sêdarên ji cehlê
Dinalînin hemû salan ji dest te karxezalê
Tu Qasimlû tu Kurdistan tu war î
Li nav deşta evîndarên welat î
Ne 11 meh, temendar î bi 79 sal û dewran
Tu nexşek bûy ji rengê agir û pêt û dêmokrat
