Bi hilkefta 35emîn salvegera terorkirina rêberê zana yê gelê Kurd şehîd “Dr. Qasimlo” ji aliyê dîplomat-terorîstên rêjîma Îranê, Partiya Sosyalîst a Kurdistanê daxuyaniyek belav kir.
Jİ BO RAYA GİŞTÎ A WELAT PARÊZ
Kurdistanîyên hêja, Xwişk û birayên welat parêz;
Heval û dostên bi rûmet;
Em miletekî bin dest, welatê wî perçekirî, dîroka tekoşîna wî bi xwînîyê. Êş elem,katlîam û talan, koç û koçberî, heps û zindan, rengê jîyana me ye.
Bê gûman li rûyê vê erdê tu kesekî jîyanekî bi vî rengî ne razîye. Ji bo kû rengê jîyanê were gûhartin, ji bo kû gel li ser axa xwe, azad û serbest bijî, bê gûman tekoşînekî bê hempa pêvîstbûn û pêvîste.
Di nav civata Kurd de kesên zana, ronakbîr, şoreşger û xwedî wijdan li hember zilm û zordarîya dagirkeran bêdeng neman. Wan Kesên jîr û zana li hember civata xwe, li hember milletê xwe, xwe berpirsîyar dîtin û ketin nav tekoşînê.
Gel bi rêxistin kirin, riya rizgarîyê nîşandan. Agirê azadî û serbestîyê di nav dilê gel de geş kirin, doz roj bi roj bilind bû, û bilindtir dibe. Li hember hemû astengan, û zordarîya dagirkeran tekoşêrên Kurd, dest ji vê dozê bernedan û bernadin.
Dost û hevalên delal:
Di nav civata Kurd de, ji van ronakbîr, zana, şoreşger û rêberê gelê Kurd yek jî Dr. Abdulrahman Qasimlo bûn.
Dr. Qasimlo, li Rojhilatê Kurdistanê berpirsayetî û rêberiya şoreşê dikir. Li hêlek li hember rejîma xwînxawar a cumhurîya îslamî a îranê şeref û hesayeta gelê kurd diparastin, li hêla din, heta jê dihatin dixwest, pirsgirêka Kurd û kurdistanê bi rîya dîalog, û aşîtîxwazane were çareserkirin.
Dr. Qasimlo, 35 sal berî niha ji bo çareserîya pirsa Kurd, li bajarê Vîyana bi karbidestên Rejîma îranê re runişt. Armanc ew bû ku pirsgirêk bi rîya hevdîtinan, bi guftugo, anku bi rîya dîalog û aşîtîxwazane were çareserkirin.
Lê dijminê dagirker û bêbext, Dr Qasimlo û du hêvalên wî bi namerdî li ser masê dîalogê şehîd kirin. Li ser şehîd bûna wî azadîxwazî. aşîtîxwaz û mêrxasî 35 sal derbas bûye.
PDKI sebaret 35 salîya şehîd kirina Dr. Qasimlo û hevalên wî , roja 13.07.2024 de, Li Peytextê Alman Bajarê Berlîn û Frankfurtê xwepênîşandanekî bîranînê li dardixe.
Em wek PSK- Meclîsa Dervayî Welat, banga me ji bo raya giştî a welat parêz eve; li van her du bajarên kû PDK-Î li dijî Rejîma xwinxwar a îranê û ji bo bîranîna Şehîdê navdar Dr. QASIMLO xwepênîşan li darxistîye. Hêvîya me ewe , gelê me, birayên xwe yên Rojhelat bi tenê nehêlin û beşdarîya xwepênîşandan bibin.
Dost û hevalên hêja; Li hember zordarên Kurdistanê bê deng nebe. Roja 13.07.2024 de beşdarê xwepênîşandana li Berlîn û Frankfurtê bibe.
PSK- Nûnertîya Meclîsa Dervayî Welat
