Li 3ê Xermanana îsla, 6 sal ji şehîdbûna şehîdên jîngehê, “Şerîf Bacwer û Omîd Konepoşî” re derbas dibe.

6 salan berî niha, li rojeke wiha de şehîd “Şerîf Bacwer û Omîd Konepoşî” li dema temirandina agir li daristanên Merîwanê ku bi sedema topbarana wan daristanan ji aliyê spaha pasdaran a terorîst ve qewimî bû, canê xwe li pêxema parastina jîngeha niştîman, fîda kirin.

Şehîd “Şerîf Bacwer” û Şehîd “Omîd Konepoşî”, 2 endamên welatparêz ên “Encume Keska Çiya” ya Merîwanê bûn û roleke girîng li parastina jîngeha Rojhilatê Kurdistanê û kultûra jîngehparêziyê de hebûn.

Her bi vê hilkeftê, 3ê Xermananê wek roja “Şehîdên Jîngehê” ji aliyê “Encume Keska Çiya” ya Merîwanê ve hatiye binavkirin û li vê rojê de yad û navê şehîd “Şerîf Bacwer” û şehîd “Omîd Konepoşî” û hemû şehîdên jîngehparêz ên niştiman, bilind û pîroz tê ragirtin.

Şehîd “Şerîf Bacwer” li destpêka dehika 70an û piştî heyameke pêwendîgirtinê digel Hizba Dêmokrat a Kurdistana Îranê bû pêşmerge û piştre bi hevahengî digel Hizba Dêmokrat, bo navxweyê welat hate şandin.

Şehîd “Şerîf Bacwer” piştî zivirîn bo navxweyê welat, endamekî herî çalak ê Hizba Dêmokrat a Kurdistana Îranê bû û heta dawî çirkeyên jiyana xwe, tekoşîn li rêbaza Hizba xwe de kir.

Her bi vê sedemê, 10an car ji aliyê hêzên îtilaata rêjîmê ve hate binçavkirin û kevte ber lêpirsînan û bo heyamekê jî li girtîgehên rêjîmê de li jêr lêpirsînan de bû.