Navenda Birêveberiya Hizba Dêmokrat a Kurdistana Îranê, bi hilkefta birêveçona hilbijartinên Parlemana Kurdistanê, Peyameke pîrozbahiyê belav kir.
Deqa peyamê wiha ye:
Roja Yekşemî 29ê Rezberê, (20ê October 2024), şeşemîn dora hilbijartinên Parlemana Herêma Kurdistana Îraqê li rewşeke azad û dêmokratîk de bi rê ve ço.
Birêveçona vê hilbijartinê bi beşdariya çendîn Hizb, aliyên siyasî, berbijêrên serbixwe û bi çavdêriya dehan damezraveyên mediayî û rêkxiravên Kurdistanî, Îraqî û navnetewî, ew jî li devera tejî pirsgirêk a Rojhilata Navîn, xaleke girîng û cihê keyfxweşiyê ye.
Girîngî û erênîbûna vê proseyê li vê yekê de ye ku hewldanên li pêxema cihgîrkirina dêmokrasî li Herêma Kurdistanê, pitir li geşekirinê de ne û xelk li diyarîkirina çarenivîsa xwe de azad e û beşdariyê dikin. Ew yek jî li halekê de ye ku li hinek ji welatên deverê, bi taybet li Îranê de ne hilbijartin taybetmendî û binyatên dêmokrasiyê tê de têne bidestveanîn û ne rê bi beşdariya azadaneya hizb û aliyên siyasî tê dan û ne xelk li diyarîkirina çarenivîsa xwe de azad in.
Hizba Dêmokrat a Kurdistana Îranê, bi hilkeftya birêveçon a hilbijartina Parlemana Herêma Kurdistanê, pîrozbahî li xelkê Kurdistanê, hizb û aliyên siyasî yên beşdar li hilbijartinan de dike û hivî dike ku bi hewlên hemû aliyan û bi pêkanîna hikûmeteke bersivder li asta çavnihêriyan, rewşa jiyan û mafên xelkê Herêma Kurdistanê, roj bi roj baştir bibe û Herêma Kurdistanê bibe mînakek serkevtî ji desthilatdarî û birêvebirina welat li deverê de.
Hizba Dêmokrat a Kurdistana Îranê
Navenda Birêveberiya Giştî
23 October 2024
