Tevî ku heta niha bi serastî bernameya êrîşa îsraîlê bo ser rêjîma îranê nehatiye zanîn Wezîrê Berevaniya Îsraîl ragihand ku êrîşa me bo ser rêjîma Îranê dê kujer, hûr û bi nişkêve be.

Roja Çarşemî 18ê Rezberê “Yûav Galant” ragihyand ku êrîşa me bo ser rêjîma Îranê dê bi qasek bikuj, hûr û bi nişkêve be ku rêjîma Îranê nezane çi qewimiye û çawa qewimiye.

Heta niha bi serastî nehatiye zanîn ku êrîşa Îsraîl bo ser rêjîma Îranê dê çawa be, lê navend û damezraveyên navkî, leşkerî, berpirsên rêjîmê, nefta Îranê û renge çend xalên stratejîk li Îranê bibin armanca êrîşên Îsraîlê.

Li vê derheqê de “Piyêr Polîwiyêr” ê serokê partiya Parêzvan a Kanadayê gotiye: “Hekî Îsraîl rêgirî ji destpêregihîştina rêjîma dîktator û cinayetkar û olî ya Îranê bi çeka navkî bike, ew dê xelata dewleta Îsraîl bo mirovahiyê be”.

Herwisa serokwezîrê berê yê Îsraîl, “Neftalî Bênêt” li vê derheqê de gotiye: “Divê Îsraîl bernameya navkiya Îranê û herwisa rêberatî û aboriya Îranê bike armanc”.

Heta niha Îsraîlê bernameya êrîşa xwe bo ser rêjîma Îranê bo ti hevpeymek xwe heta Amerîkayê jî bi tevavî eşkere nekiriye.