Mistefa Hicrî: “Hêza Pêşmergeyê Kurdistanê û Ala, du sermaye û remza şûndaner li xebata netewiya Kurdistanê ne.
Rêzdar “Mistefa Hicrî”, berpirsê Navenda Birêveberiya Giştî ya Hizba Dêmokrat a Kurdistana Îranê bi hilkefta 26ê Sermawezê Roja Pêşmerge û Alaya Kurdistanê peyameke pîrozbahiyê belav kir
Deqa peyamê wiha ye:
26ê Sermawezê Roja Pêşmergeyê Kurdistanê û Alaya Kurdistanê pîroz be!
26ê Sermawezê li pêvajoya xebata netewî-dêmokratîka netewa me de, hilkeftek bi nirx û taybet e. Hem roja Pêşmergeyê Kurdistanê û hem roja bilindkirina Alaya Kurdistanê li Komara Kurdistanê ye ku pêwendiyeke rasterast û tejî wate bi hev re û li nav tevgera mafxwazaneya Kurdistanê de hene.
Hêza Pêşmergeyê Kurdistanê, wek rêkxistinek xwedî pirensîp û hêzeke alîkarder, Ala jî wek hêmaya serweriya neteweyek, du sermaye û remza şûndaner li xebeta netewiya Kurdistanê ne.
Li vê hilkeftê de pîrozbahî li hemû xelkê xweragir ên Kurdistanê, Hêza Pêşmergeyê Kurdistanê, malbatên serbilind ên şehîdan, girtiyên siyasî û kêmendamên çeperê dikin.
Mistefa Hicrî
Berpirsê Navenda Birêveberiya Giştî ya Hizba Dêmokrat a Kurdistana Îranê
26ê Sermaweza 1403 a Rojî
