Rêjîma Îranê li rojên Çarşemî û Pêncşemî li heftiya derbasbûyî de zêdetir ji 10 giriyan li girtîgeha Qizilhisar a rêjîmê li bajarê Kerecê de bidar vekirine.
Pêka rapora “Hengaw”ê li roja Pêncşemiya heftiya derbasbûyî, welatiyekî Kurd ê bi navê “Arif Zeiferanlû” temen 39 salî, xelkê bajarê Qûçanê û rûniştiyê bajarê Melardê, “Mihemed Berahûyî” temen 35 salî xelkê bajarê Zahidanê û “Husên Sasanî” xelkê bajarê Têhranê, li girtêgeha Qizilhisar a rêjîmê li bajarê Kerecê de hatine bidarvekirin.
Herwisa li roja Çarşemiyê de jî welatiyekî Kurd ê bi navê “Husên Yawerî”, temen 28 salî, xelkê bajarê Kirmaşanê û “Bêhrûz Mihemedî” xelkê bajarê Têhranê, li vê girtîgeha rêjîmê de hatine bidarvekirin.
Bilî bidarvekirina wan girtiyan,rojnameya Hemşehrî ya ser bi rêjîma Îranê jî bi belavkirina nûçeyekê dabû zanîn ku 3 kes ku 2 ji wan xelkê Efxanisatê bûne li roja Çarşemiyê de hatine bidarvekirin, lê navê wan girtiyan belav nekiriye.
