Ji destpêka heyva Reşemeya 1403 a Rojî ve heta 6ê vê heyvê, rêjîma Îranê li girtîgehên xwe de zêdetir ji 22 girtî, bidar vekirine û bi sedema sansora li nava girtîgehên rêjîmê, renge amara serast ji vê rêjeyê jî zêdetir be.

Pêka raporên belavbûyî, li sibêdeha roja Dûşemî 6ê Reşemê, 3 girtî li girtêgeha Destgird a rêjîmê li bajarê Îsfehanê, yên bi navên “Ehmed Henefî, Esxer Dêhqanî û Wehîd Muhêbbî” ji aliyê rêjîma Îranê ve hatine bidarvekirin.

Li roja Yekşemî 5ê Reşemê jî, girtiyek ê bi navê “Kawe Esedbêygî” temen 39 salî, li girtîgeha rêjîmê li bajarê Zencanê û herwisa welatiyek Azerî yê bi navê “Neîm Ebdî” yê temen 22 salî jî, li girtîgeha rêjîmê li bajarê Qurwê de hatiye bidarvekirin.

Li vê derheqê de li 2ê Reşemê de jî “Îbrahîm Xoşe” û “Babek Hacîpûr” li girtîgeha “Sipîdar” a rêjîmê li bajarê Ehwazê de hatine bidarvekirin.

Rêjîma Îranê sepandina sizaya bidarvekirinê û birêvebirina vê sizayê, wek alavek bo tepeserkirina zêdetir a xelkê bi taybet xelkê “Kurd û Belûç”bi kar tîne.