Dezgeha dad a rêjîmê binçavkirina 12 welatiyên xelkê bajarê Dêhdeştê piştrast kir û bo jirêderxistina hizra giştî, binçavkirina wan welatiyan bi şer û levdana 2 eşîretan ve girê da.

Bervevkê dezgeha dad a rêjîmê yê bi navê “Esxer Cehangîr” îdia kir ku 12 welatiyên xelkê bajarê Dêhdeştê bi sedema şer û levdana li navbera 2 eşîretên wî bajarê de hatine girtinê ku li 23ê Rêbendanê de xwenîşandaneke nerizayetiyê lidar xistibûn.

Herwisa wî navbirî îdia kiriye ku ew bi sedema alozkirin a aramiya giştî li wî bajarî de hatine binçavkirin.

Îdiayên çewt ên wî berpirsê dezgeha dad a rêjîmê li halekê de ye ku ew xwenîşandana nerizayetî ti pêwendiyek bi pirsgirêkên li navbera xelkê de nebûye, belkû ew xwenîşandana aştîxwazaneya nerizayetî û dana dirûşman li dijî rêjîmê, bo nîşandana nerizayetî li derheq pirsgirêkên aborî û civakî, hatiye lidarxistin.

Hêzên îtilaat a spaha pasdaran a terorîst tevî binçavkirina 12 welatiyan bi awayekî hovane û bi tundûtîjiyê, bajarê Dêhdeştê jî bi awayekî tund milîtarîze kiribûn û hêzên ewlehî yên rêjîmê li çendîn cihên wî bajarî de hatibûne cihgîrkirin.

Hêzên hov ên îtilaat a spaha pasdaran a terorîst, “Ehmed Nûrmihemedî, Hemîd Perîsayî, Elîriza Perîsayî, Şehram Nûraniyan, Şehriyar Hişmetneseb, Riza Yêganê, Husên Perîsayî, Atêfê Tahirniya, Emîrhusên Ceiferî yê temen 17salî, Kameran Bûzerî yê temen 16 salî, Cabir Furûxî û Pûriya Beratî” bi awasyê hovane, binçav kirine.

Dezgeha dad a rêjîma Îranê bo fetisandina dengê nerizayetiya wan welatiyan û jirêderxistina hizra giştî, xwenîşandana nerizayetî wan welatiyan bi pirsgirêkên eşîretî ve girê daye û herwisa tohmeta alozkirina rewşa aramiya bajar bi wan welatiyan daye, ew li halekê de ye ku kombûna aşîtixwazaneya wan, bi armanca gihandina dengê nerizayetî li derheq rewşa aborî û civakiya deverê bûye.