Welatiyekî temen 41 salî yê xelkê bajarê Bokanê, piştî gazîkirin bo dadgeha rêjîmê li bajarê Bokanê, hate binçavkirin û bo girtîgeha navendî ya rêjîmê li bajarê Bokanê, hate veguhastin.

Pêka rapora “Hengaw”ê, roja Çarşemî 8ê Reşemeya 1403 a Rojî, welatiyekî xelkê bajarê Bokanê yê bi navê “Hîwa Behîn” ê temen 41 salî, piştî gazîkirin û serdana wî bo dadgeha rêjîmê li bajarê Bokanê, hate girtin û bo girtîgeha navendî ya rêjîmê li wî bajarî, hate veguhastin.

Pêka vê raporê, “Hîwa Behîn” bi tohmeta “Propaganda li dijî rêjîma Îranê”, ji aliyê taya 101 a dadgeha sizakirin a rêjîmê li bajarê Bokanê bi serokatiya dadwer “Fexrî”, 6 heyv sizaya girtîgehê bi ser de hatiye sepandin û bo cîbicîkirina vê sizaya sepandî, ev bo girtîgehê hatiye veguhastin.

Ew welatiyê Kurd li roja Yekşemî 4ê Sermaweza 1403 a Rojî, piştî gazîkirin bo îdareya îtilaat a rêjîmê li bajarê Bokanê, hatibû girtin û li roja Yekşemî 11ê Sermawezê, bi danîna barimteya 600 milyon Tumenî bi awayê demkî hatibû azadkirin.