Dezgeha dad a rêjîma Îranê li berdewamiya bidarvekirina girtiyan li girtêgehên xwe de, vê carê girtîyekî xelkê bajarê Dalahoyê, li girtîgeha Dîzilabad a rêjîmê li bajarê Kirmaşanê de bidar vekir.

Pêka rapora “Hengaw”ê, sibêdeha roja Çarşemî 8ê Reşemeya 1403 a Rojî, girtîyekî temen 34 salî yê xelkê gundê “Qelazincîr”ê ser bi bajarê Dalahoyê yê bi navê “Bêhrûz Seferî Qelazincîrî”, li girtîgeha Dîzilabad a rêjîmê li bajarê Kirmaşanê de bidar vekir.

Pêka vê raporê, ew welatiyê Kurd ê Yarsanî, 4 salan berî niha bi tohmeta kuştina bi zanebûn ji aliyê dadgeha rêjîmê ve sizaya bidarvekirinê bi ser de hatibû sepandin.

Heta belavbûna vê nûçeyê, ragihandinên fermî yên rêjîma Îranê bi taybet ragihandinên ser bi dezgeha dad a rêjîmê, nûçeya bidarvekirina wî welatiyê Kurd belav nekirine.

Rêjîma Îranê tevî lezgînkirin û zêdekirina sepandina sizaya bidarvekirinê û herwisa cîbicîkirina wan sizayên sepandî, vê yekê bi taybet li hember xelkê Kurd û Belûç wek alaveke tepeserkirinê, bi kar tîne.